वामपन्थी सरकारलाई मात लागेको छ: कांग्रेस

129

इन्द्रेणी न्यूज,डटकम
२०७५ बैशाख २७,काठमाडौँ।प्रमुख प्रतिपक्षी दल नेपाली कांग्रेसका नेता एवम् पूर्वमन्त्री दिपक खड्काले मोदीको भ्रमणका क्रममा उठाउने एजेण्डाको विषयमा प्रतिपक्षसँग दलसँग छलफल नगरेको प्रति आपत्ति जनाएका छन् । उनले वामपन्थी सरकाारलार्इ मात लागेको बताए।

बिहीबार काठमाडौँमा आयोजित एक कार्यक्रममा बोल्दै उनले भने,‘कांग्रेस प्रतिपक्षमा भएपनि विरोधको लागि विरोध गर्दैन्, यर्थाथको लागि विरोध हुनुपर्छ, एमालेले बरु सत्तामा हुँदा एउटा कुरा गर्ने र सत्ता बाहिर आएपछि अर्को कुरा गर्ने गरेको छ, अहिलेपनि एमालेले मोदीको भ्रमणको बारेमा पर्याप्त छलफल गरेन, राष्ट्रिय विषयमा छलफल गर्नुपर्छ, अहिले यो सरकारलाई मात लागेको छ, दम्भ पलाएको छ, यस्तो पाराले हुँदैन, सत्ता त चल्ला, तर देश विकास हुँदैन, समृद्धि भनेर मात्रै हुने कुरा होईन।’

हिजो सबैभन्दा बढी विरोध गर्ने एमाले नै भएको बताउँदै आज एमालेले त्यो छोडेको नेता खड्काको भनाई थियो । ‘मोदीजी नेपाल भ्रमण गर्दै हुनुहुन्छ, उहाँ राष्ट्रको पाहुनाको रुपमा आँउदै हुनुहुन्छ,’ उनले भने, ‘मोदीको भ्रमणका क्रममा उठाउने एजेण्डाको विषयमा प्रतिपक्षसँग छलफल गर्नुपर्थ्यो, तर सरकारले छलफल गरेन।’

उनले अरुण तेस्रो भारतीय सरकारको लगानीमा निर्माण हुने भएकोले भारतले यसको लागि बजेटपनि विनियोजन गरिसकेको बताए । उनले भने,‘यो ९०० मेगावाट क्षमताको परियोजना डेढ खर्बको लगानीमा बन्दैछ, यसबाट नेपाललाई २०० मेगावाट निःशुल्क प्राप्त हुन्छ, त्यस्तै भारतले यो २५ वर्षमात्रै चलाउने हो, बाँकी ७५ वर्ष हामीलाई हुन्छ, यो फाईदाको कुरा हो।’

यो परियोजना निर्माण हुनु भनेको नेपालमा लगानी गर्न सकिन्छ भनेर विश्वस्तरीय वातावरण बनाउनपनि महत्वपूर्ण हुने उनको भनाई थियो । उनले भने,‘यो परियोजना सम्पन्न भए संखुवासभावासी खुशी हुन्छन्, २०० सय मेगावाट नेपालले निःशुल्क पाउनेबाट संखुवासभावासीलाई २५ प्रतिशत नाफा प्रत्येक महिना पाउनुपर्छ।’

उनले भोलि नै मोदी र ओलीले संयुक्त रुपमा उक्त परियोजनाको ‘स्विच–अन’ गर्ने कार्यक्रम रहेकोले आफूपनि भोलि संखुवासभा अवस्थित् ड्याम्पस्थल पुग्ने जनाए । उनले भने,‘हिजाको दिनमा परियोजना गुम्दै गर्दा सम्पूर्ण संखुवासभावासी दुःखी थिए, तर अब बन्ने भएकोले खुशी छन्।’

Comments

comments