पहिलो खेलमा सन्दिपले एक विकेट निकाल्दै २५ रन खर्चिए

446

इन्द्रेणी न्यूज,काठमाडौँ। इण्डियन प्रिमियर लिग (आईपिएल) अन्तर्गत रोयल च्यालेन्जर्स बैंग्लौर बिरुद्धको खेलमा दिल्लीको तर्फबाट डेब्यु गरेका सन्दिप लामिछानेले आफ्नो पहिलो खेलमा एक विकेट लिँदै २५ रन खर्चिए ।

सन्दिपको आफ्नो कोटाको चौंथो ओभरमा पहिलो चार बलमा बिराट कोहली र एबि डि भिलियर्सले एक एक रन लिए भने डि भिलियर्सले सन्दिपको पाँचौं बलमा छक्का प्रहार गरे । त्यस्तै अन्तिमा ओभरमा डि भिलियर्सले कुनै रन लिन सकेनन् ।

तेश्रो ओभरको पहिलो बलमा बिराट कोहलीले चौका प्रहार गरे । त्यस्तै दोश्रो बलमा कुनै रन दिएनन् । त्यस पछिका सबै बलमा कोहली र एबि डि भिलियर्सले एक एक रन लिए ।

सन्दिपले आफ्नो पहिलो ओभरमा मात्र दुई रन खर्चिएका थिए भने दोश्रो ओभरमा पाँच रन खर्चिएर एक विकेट लिए थिए । आफ्नो दोश्रो ओभरको चौंथो बलमा सन्दिपले पार्थिब पटेललाई एलबिडब्लुको शिकार बनाएका हुन् ।

दोश्रो पहिलो बलमा भारतका कप्तान बिराट कोहलीलाई डट बल फ्याकेका सन्दिपको दोश्रो बलमा भने कोहलीले एक रन लिए । त्यस्तै तेश्रो बलमा पटेलले चौका प्रहार गरे । दोश्रो ओभरको पाँचौं र छैठौं बलमा सन्दिपले एबि डि भिलियर्सलाई कुनै पनि दिएनन् ।

आईपिएल र ट्वान्टि ट्वान्टिमा डेब्यु गरेका सन्दिप पहिलो ओभरको पहिलो र तेश्रो बलमा रन दिएका थिए भने पाँचौं बलमा बाइका रुपमा चार रन गएको थियो । तेश्रो बलमा पार्थीब पटेलले र पाँचौं बलमा मोइन अलीले ब्याटिङ गरेका थिए ।

खेलमा टस हारेर पहिले ब्याटिङ गरेको दिल्लीले २० ओभरमा चार विकेट गुमाएर १८१ रन बनाएको थियो ।

Comments

comments