विश्वकप फुटबल: साच्चै नेमारले आगामी खेल खेल्न पाउदैनन त ?

1359

एजेन्सी । ब्राजिलियन स्टार नेयमारले रुस विश्वकपको बाँकी खेल खेल्न नपाउने सम्भावना बढेको छ । विश्वकपको पहिलो खेलको क्रममा भएका फाउलहरुले नेयमार ब्राजिलको आगामी खेलमा अनुपस्थित हुनसक्ने सम्भावना बढेको छ ।

उनी माथि भएको पटक पटकको फाउलले उनको गोलीगाँठोमा समस्या भएको हुनसक्ने बताइएको छ ।

स्विट्जरल्याण्डसँगको खेलको क्रममा १० पटक नेयमारमाथि फाउल भएको थियो । बेलायती अनलाइन पत्रिका द सनले यस्तो खबर छापेको छ ।

अखबारका अनुसार आगामी खेलको लागि तयार हुन नेयमारलाई केही दिनको आराम आवश्यक छ । स्विट्जरल्याण्डसँगको खेलमा नेयमारमाथि भएको फाउल सन् १९९८ पछि अहिलेसम्म कुनै पनि खेलाडीमाथि सबैभन्दा धेरै पटक गरिएको फाउल हो ।

Comments

comments